Boku no Hero Academia

Paano kaya kung 80 percent ng populasyon ay nagkakaroon ng pambihirang kapangyarihan na tinatawag na 'Quirks' pagsapit ng edad na four? Mga hero at villain na ang magkakalaban sa lahat ng sulok! Para maging hero, kailangan mong matutong gamitin ang Quirk mo — at ang pinakaprestihiyosong tahanan para sa pagsasanay ay ang Hero Program ng U.A. High. Pero paano kung kabilang ka sa 20 percent na ipinanganak na walang Quirk? Ito ang sitwasyon ni Izuku Midoriya, isang estudyante sa middle school na pinakaminimithi ang maging hero kahit isang patak ng kapangyarihan ay wala sa kanya. Tila walang patutunguhan ang buhay niya, hanggang sa magkita sila ng pinakadakilang hero ng lahat na si All Might — at doon nagsimulang magbago ang kanyang kapalaran.