Bokusatsu Tenshi Dokuro-chan

Isang junior high student sa hinaharap ang nakaimbento ng paraan ng kawalang-kamatayan na pumipigil sa pagtanda ng mga babae kapag umabot sila sa edad na labindalawa, na nagpagalit sa isang banal na nilalang. Bilang sagot, nagpadala ng isang anghel mula sa hinaharap upang patayin ang estudyante. Subalit, naniniwala ang anghel na maaaring patawarin ang estudyante at pinili niyang abalahin ito upang hindi nito matapos ang imbensiyon. Paminsan-minsan, nagiging marahas ang anghel at hinahampas niya ang estudyante gamit ang kanyang sandata, isang bat na tinawag na Excalibolg, ngunit kayang niya itong agad na buhayin muli. Madalas na bumubulalas ang anghel, "Pi-piru-piru-piru-pi-piru-pi!"