Wata no Kuni Hoshi

Isang 18 anyos na binatang nagngangalang Tokio ang nagpalaki ng dalawang buwang gulang na kuting na si Chibi-neko matapos itong iwan. Sa kabila ng allergy at takot ng kaniyang ina sa pusa, pinayagan siyang itago ito dahil nag-aalala ito sa pag-iisa ni Tokio matapos siyang bumagsak sa entrance exam ng unibersidad. Nagkaroon ng matinding pagmamahal si Chibi-neko kay Tokio. Iniisip niyang siya ay maliit na tao na nagsasalita ng wika ng tao, gayunpaman ay meow lamang ang naririnig ng iba. Pinaniniwalaan niyang lahat ng tao ay dating kuting katulad niya. Isang ligaw na pusa ang nagsabi kay Chibi-neko tungkol sa isang lugar na tinatawag na Cottonland, na inilarawan bilang paraiso kung saan natutupad ang mga pangarap.