Fata Morgana no Yakata: Anata no Genten ni Itaru Monogatari

May isang taong nagising sa loob ng isang gibang mansyon kung saan ipinakilala ng isang babaeng may berdeng mga mata ang sarili bilang katulong nito. Wala siyang alaala ni kamalayan sa kanyang pagkakakilanlan. Inakay siya ng katulong sa mga blangkong pasilyo ng mansyon, ibinubunyag ang mga nakaraang trahedyang naganap dito. Bumubukas ang unang pinto sa 1603, panahon ng pagyabong ng sining at isang pamilya ng magkakapatid sa hardin ng rosas. Ipinapakita ng ikalawang pinto ang 1707, kung saan giba na ang mansyon at may isang halimaw na nananalanta. Ang ikatlong pinto ay tumutungo sa 1869, panahon ng pag-unlad ng teknolohiya at isang pabayang amo. Ang ikaapat ay sa 1099, ang huling salaysay, na tungkol sa isang sinumpang lalaki at isang dalagang nagngangalang Giselle. Matapos masaksihan ang mga ito, kailangan niyang magpasya kung magpapatuloy o magtatapos ang paglalakbay. May ilang nagmumungkahi na hindi naman talaga sa kanya ang mga trahedyang iyon.