No Game No Life Zero

Inihayag sa MF Bunko J Summer School Festival 2016 ang isang pelikulang batay sa ikaanim na aklat ng light novel series. Naganap ito anim na libong taon bago ang mga pangyayaring kinasangkutan nina Sora at Shiro, sa panahon ng digmaang sumira sa lupa, bumiyak sa kalangitan, at naglagay sa sangkatauhan sa panganib. Sa panahon ng kaguluhang ito, sinisikap ng batang lalaking si Riku na akayin ang mga tao patungo sa hinaharap na may pag-asa. Habang nagsasaliksik sa mga labi ng isang lungsod ng Elf, nakatagpo niya si Schwi, isang babaeng "Ex Machina" android na ipinatapon at humihiling na malaman ang tungkol sa puso ng tao.